चितवन– नेत्रविक्रम चन्द (विप्लव) समूहका नेता गुणराज लोहनी चितवनबाट पक्राउ परेका छन् । उनलाई प्रहरीले भरतपुरस्थित उनकै निवासबाट मंगलबार विहान पक्राउ गरेको हो । स्वास्थ्यमा समस्या देखिएपछि लोहनी घरमै आराम गरिरहेका थिए ।

उनको स्वास्थ्यमा गम्भीर समस्या देखापरेपछि पार्टीले केन्द्रीय समितिको जिम्मेवारीबाट मुक्त गरेको थियो । उनी पूर्वकेन्द्रीय सदस्य एवम् रातो खबर साप्ताहिकका पूर्वनिर्देशक थिए ।