एजेन्सी– हिन्दूहरुको महान् चाडमध्येको एक दीपावलीको अहिले भारतमा पनि उस्तै उत्साह छ । तर, यही अवसरमा भारतीय अभिनेता ऋषिक कपुरको एउटा नकारात्मक भिडियो निकै चर्चामा आएको छ । यो भिडियोमा ऋषि कपुर पत्रकारहरुसँग भड्किएका छन् । 

शनिबार राति मुम्बईमा एकता कपुरको घरमा भएको पार्टीमा उनी यसरी पत्रकारसँग रिसाएका हुन् । खासमा पापाराजीहरुले उनको फोटो खिच्न लाग्द उनी रिसाएका हुन् । 

‘धेरै हल्ला नगर,’ ऋषिले भनेका छन्, ‘यहाँ मानिसहरु सुतेका छन् । हामीलाई पनि आफ्नो इजजत बढाउनु पर्ने छ । मानिसहरुलाई फिल्मवालाहरु कति रमिता गर्छन् भन्ने थाहा दिनु पर्छ भन्ने छैन ।’

एक वर्षसम्म न्युयोर्कमा क्यान्सरको उपचार गरेर ऋषि कपुर केहीअघि मात्र भारत फर्किएका हुन् ।