काठमाडौं– शुक्रबार विहानबाट काठमाडौं जिल्ला अदालतमा निवर्तमान सभामुख कृष्णबहादुर महराको बयान जारी छ । बयानमा महराले आफू युवतीको घर नगएको जिकिर गरिरहेका छन् । 

यसअघि पनि उनले आफूमाथि यौन दुव्र्यवहारको आरोप लगाउने महिलाको कोठामा आफू नपुगेको बताएका थिए । उनले बारम्बार यही भन्दै आएका छन् । तर, प्रहरीले महरामाथि यौन दुव्र्यवहारको आरोप लगाएकी संसदकी एक कर्मचारीको घर वरपर सिसिटिभी फुटेजमा महरालाई देखिएको बताउँदै आएको छ । 

महराले आफू त्यो क्षेत्रमा पुगेको भए पनि ती युवतीको घरभित्र नगएको बताएका हुन् । 

एक अधिवक्ताका अनुसार महराले आफूमाथि लागेको आरोप अस्वीकार गरेका छन् । आज उनको बयान न्यायाधीश सुदर्शनराज पाण्डेको बन्द इजलासमा भइरहेको छ । उनको बयान सकिएको खण्डमा नै आज नै उनीमाथि थुनछेक बहस सुरु हुँदैछ । यो बहसले महरा तारेखमा छुट्ने वा पूपक्र्षका लागि थुनामा रहने भन्ने निर्धारण गर्नेछ ।