रसुवा– रसुवामा लोप हुँदै गएको जरायो नाच देखाइएको छ । हरेक वर्ष भाइटीकापछिको पहिलो मंगलबार देखाइँदै आएको यो नाच एकाएक बन्द भएको थियो । स्थानीय युवाको सक्रियतामा बिहीबार सदरमुकाम धुन्चेमा जरायो नाच देखाइएको हो । विगत दुई वर्षदेखि रसुवा संरक्षण तथा सांस्कृतिक कला समूहले जरायो नाच प्रस्तुत गर्दै आएको छ । 

संरक्षण अभावमा लोप हुन लागेको जरायो नाच देखाएर संस्कृति संरक्षणको पहल थालिएको स्थानीय लामा दावा पेम्बा तामाङले बताए ।  ‘पहिलाका मानिस मरेर गए, पछिल्लो पुस्ताले नाचको महŒव नबुझ्दा लोप हुने अवस्था आयो,’ उनले भने, ‘संस्कृति जोगाउन हामीले दुई वर्ष अघिदेखि पुनः जरायो नाच देखाउन थालेका हौँ ।’