Wed, 13 Nov, 2019


विश्वकै सबैभन्दा ठूलो आइपिओ सार्वजनिक गर्दै अरामको
फरकधार / कात्तिक १८, २०७६

एजेन्सी– साउदी अरबको तेल कम्पनी अरामकोले आइतबार शेयर बजारमा सूचीबद्ध हुनका लागि आइपिओ ल्याउने घोषणा गरेको छ । यसअघि साउदी अरबले यसबारे घोषणा गरिसकेको थियो । त्यसछि लामो समयदेखि अरामकोको आइपिओ सार्वजनिक हुने प्रतिक्षा गरिएको थियो ।



साउदी अरामको आइपिओ विश्वकै सबैभन्दा ठूलो आइपिओ हुने मानिएको छ । साउदी अरबका राजकुमार मोहम्मद बिन सलमानले लामो समयदेखि आफ्नो देशको तेलमा निर्भर अर्थव्यवस्थामा परिवर्तन ल्याउने महत्वाकांक्षा अगाडि सारेका हुन् । 

यसअघि सन् २०१४ मा आइपिओ जारी गरेर सबैभन्दा धेरै रकम अलिबाबा कम्पनीले जुटाएको थियो ।

तर, आइपिओ सार्वजनिक गर्ने भए पनि अरामको अहिलेसम्म बजारमा बेच्ने शेयर संख्याको खुलासा गरेको छैन । ऊर्जा क्षेत्रका दिग्गज कम्पनीहरुले अरामको आइपिओ जारी गर्ने विषयलाई ऐतिहासिक कदम बताएका छन् । किनकि विश्वमा आवश्यक कच्चा तेलको आपूर्तिमा अरामकोको १० प्रतिशत शेयर हिस्सा छ ।


यो सामाग्री सेयर गर्नुहोस्


यो पनि नछुटाउनुहोस्