एजेन्सी– बलिउड अभिनेत्रीको यो प्रख्यातीबारे सुरुमा सुन्दा कसैलाई पत्यार नलाग्न पनि सक्छ । तर, अभिनेत्री दीपिका पादुकोण विश्वभर आफ्नो फेसन सेन्सका कारण चर्चामा आएकी छिन् । उनको प्रस्तुतिका कारण सन् २०१८ को कान्समा त अमेरिकी गायिका बियोन्सीले आफू प्रभावित भएको बताएकी छिन् ।

अब फेरि उनको सौन्दर्य र फेसन सेन्सबाट आफू पनि प्रभावित भएको हलिउड अभिनेत्री एन्जेलिना जोलीले बताएकी छिन् । सौन्दर्य तथा ड्रेसिङ सेन्सका कारण दीपिका त्यसैले पछिल्ला वर्षमा संसारभर एक आइकनका रुपमा विकसित भइरहेकी छिन् । 

इन्स्टाग्राममा पनि पछिल्लो समय दीपिकाले निकै धेरै फलोअर्स पाएकी छिन् । अब उनको इन्स्टाग्राममा फलोअर्सको संख्या ४ करोड नाघेको छ । दीपिका छिट्टै फिल्म छपाकबाट ठूलो पर्दामा देखिँदैछिन् ।