एजेन्सी– नागपुरमा खेलिएको तेस्रो टी २० खेलमा भारतले बंगलादेशलाई ३० रनले पारजित गरेको छ । योसँगै भारतले यो सिरिजमा २–१ को जित निकालेको छ । 

अन्तिम खेलमा बंगलादेशले १७५ रनको लक्ष्य पछ्याउँदै १९.२ ओभरमा १४४ रन बनाएको थियो । भारतका दीपक चाहर यो म्याचका हिरो भए । किनकि उनले यो खेलमा ह्याट्रिक मात्र प्रहार गरेनन्, बंगलादेशका ६ विकेट एक्लैले लिए । 

चाहरले ३.२ ओभरमा सात रन मात्र दिएर ६ बंगलादेशी ब्याट्सम्यानलाई आउट गरेका हुन् । उनी टी २० मा ह्याट्रिक गर्ने पहिलो भारतीय खेलाडी पनि बनेका छन् ।