एजेन्सी– नवाजुद्दीन सिद्दीकी तथा अथिया शेट्टीको अगामि फिल्म मोतीचुर चकनाचुर एकपटक फेरि कानुनी समस्यामा फसेको छ । बिहारको सिभिल अदालतले फिल्मविरुद्ध स्टे अर्डर जारी गरेको छ । यसअघि पनि यो फिल्मविरुद्ध अरु विभिन्न मुद्दा परेका थिए । यसका निर्देशक देवमित्रा बिसवालविरुद्ध पनि एकपटक पेमेन्टको विषयमा मुद्दा परेको थियो । 

भारतीय मिडियामा आएको रिपोर्टअनुसार बिहारका वितरकले फिल्मविरुद्ध मुद्दा हालेका हुन् । उनीहरुले आफूले यसलाई वितरण गर्ने अधिकार लिइसके पनि पेमेन्टका विषयमा नै लफडा भएको जनाएका छन् । 

फिल्मकी अभिनेत्री अथिया शेट्टीले पनि फिल्ममा काम गरेको पैसा नपाएको उजुरी गरेकी छिन् । यो फिल्म नोभेम्बर १५ मा रिलिज गर्ने भनिएको थियो । अब अदालतको आदेश आएकाले यसलाई पछाडि धकेलिने सम्भावना भएको बताइएको छ ।