प्युठान– स्वर्गद्वारी नगरपालिका-४ कोलवांग भिरमा बोलेरो दुर्घटना भएको छ । दुर्घटनामा परि एकजनाको मृत्यु भएको छ भने तीन जना गम्भीर घाईते भएको जिल्ला प्रहरी कार्यालय प्युठानले जनाएको छ ।
बिहीवार विहान भिंग्रीबाट पानी बोकेर स्वर्गद्वारीतर्फ जान लागेको बोलेरो गाडी दुर्घटना भएको हो । दुर्घटनामा परि मृत्यु हुनेकाे सनाखत हुन नसकेको स्वर्गद्वारी नगरपालिकाका नगरप्रमुख नेत्रबहादुर रोकायका स्वकिय सचिव रमेश पोख्रेलले जानकारी दिए ।
गाडी करिब चार सय मिटर तल खसेको छ । घाईतेको प्राथमिक स्वास्थ्य चौकी भिग्रीमा उपचार गरिएको छ । चालक फरार भएकाले घटनाबारे थप विवरण आउन बाँकी रहेको जिल्ला प्रहरी कार्यालय प्युठानले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।