Fri, 06 Dec, 2019


हङकङमाथि नेपालको जित
फरकधार / कात्तिक ३०, २०७६

काठमाडौं– बंगालदेशमा जारी एसियन क्रिकेट काउन्सिल इमर्जिङ टिम्स कपको दोस्रो खेलमा नेपालले हङकङलाई ४० रनले हराएको छ ।



आज भएको खेलमा टस हारेर पहिले ब्याटिङ गरेको नेपालले निर्धारीत ५० ओभरमा सबै विकेट गुमाएर २१७ रन बनायो ।

नेपालका लागि शरद भेषावकरले सर्वाधिक ८९ रनको योगदान दिए । उनले १३९ बलको सामना गर्दै ९ चौका प्रहार गरे । त्यस्तै, आरिफ शेखले ४२ र दिपेन्द्रसिंह ऐरीले ३७ रनको योगदान दिए ।

हङकङका लागि मेहम्मद अजिज खानले ३ तथा नस्रुल्ला राना तथा इहसन खानले समान २ विकेट लिए । 

२१८ रनको लक्ष्य पछ्याएको हङकङले ४५ ओभर ५ बलमा सबै विकेट गुमाएर १७७ रन मात्र बनाउन सक्यो ।  

हङकङका लागि किनचित शाहले सर्वाधिक ५३ रनको योग्दान दिए । उनले ८० बलको सामना गर्दै ३ चौका तथा १ छक्का प्रहार गरे । त्यस्तै, इहसन खानले ४४ तथा हरोन अर्शदले २६ रनको योगदान दिए । 

नेपालका लागि करण केसी तथा अविनास बोहराले समान ३ विकेट तथा सुशान भारीले २ विकेट लिए । प्रतियोगीताको पहिलो खेलमा हारेको नेपलले अब समूह चरणको अन्तिम खेल १८ नोभेम्बरमा बंगलादेशविरुद्ध खेल्ने छ ।  


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्