एजेन्सी– भारतमा अहिले सबैभन्दा चर्चामा रहेका अभिनेता हुन्, आयुष्मान खुराना । उनका पछिल्ला सबै फिल्मले एक से एक राम्रो गरिरहेका छन् । उनकी पत्नी ताहिरा कश्यप पनि अहिले चर्चामा छिन् । उनले क्यान्सरलाई जितेकाले पनि चर्चामा आएकी हुन् । 

द लव लाइफ सोमा पुगेकी ताहिराले आयुष्मानसँगको सम्बन्धबारे खुलेर कुरा पनि गरेकी छिन् । यसले उनलाई थप चर्चामा ल्याएको छ । उनले यो कार्यक्रममा आफू र आयुष्मानको भेट फिजिक्स ट्युसनमा भएको बताएकी छिन् । ‘हामीले विवाह गरेको त अब ११ वर्ष भइसकेको छ,’ उनले भनेकी छिन्, ‘हामी सँगै फिजिक्सको ट्युसन पढ्न जान्थ्यौँ, तर कलेजमा एकअर्कासँग बोल्दा पनि बोल्दैनथ्यौँ ।’