एजेन्सी– कंगोको पूर्वी सहर गोमामा एउटा विमान घरहरुमा ठोक्किँदा कम्तिमा पनि २४ जनाको मृत्यु भएको छ ।
विमान ठोक्किएकाले चार वटा परिवारका सदस्यहरुको समेत मृत्यु भएको अन्तर्राष्ट्रिय सन्चारमाध्यमले जनाएका छन् ।
स्थानीय समयअनुसार आइतबार बिहान मापेन्डोमा यो विमानले उडान भर्ने वित्तिकै यो दुर्घटना भएको थियो । त्यहाँका अधिकारीहरुले विमानमा १७ यात्रु र २ चालक दलका सदस्य रहेको जनाएका छन् ।
पछिल्लो समय कंगोमा यस्ता विमान दुर्घटनाहरु बढिरहेका छन् । यसको कारण त्यहाँका विमानको मर्मत अत्यन्त कम हुनुलाई मानिएको छ । युरोपेली युनियनले त्यसैले कंगोका विमानमाथि प्रतिबन्ध लगाएको छ ।
आइतबार दुर्घटनामा परेको विमान चाहिँ डोर्नियर २२ हो । यो त्यहाँको प्राइभेट कम्पनी बिजी बीको विमान हो । यो विमान गोमाबाट उत्तर पर्ने बेनीमा उडान भर्ने तयारीमा थियो । त्यहाँका गर्भनर कासिभिटाले यो विमान दुर्घटनाका कारण मृत्यु हुनेको परिवारलाई श्रद्धान्जली दिँदै घटनाप्रति दुख व्यक्त गरेका छन् ।
Smoke rises from the wreckage of a small plane which crashed on takeoff into a densely populated area of Goma in the Democratic Republic of Congo pic.twitter.com/31BXU7qrG0
— AFP news agency (@AFP) November 24, 2019
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।