रसुवा— रसुवाको गोसाइँकुण्ड गाउँपालिका २ स्थित भोटकोशी खोलामा स्काभेटर पल्टेर खोलाले बगाउँदा चालक चिनीया नागरिक ३६ वर्षीय छु छिङको मृत्यु भएको छ । 

टिमुरेमा निर्माण हुने सुख्खा बन्दरगाहका लागि भोटेकोशी खोलाबाट ढुङ्गा निकाल्न खोज्दा स्काभेटर पल्टेको थियो । प्रहरी नायब उपरीक्षक भाग्येन्द्र पुरुष ढकालले स्काभेटर बगाउँदा छिङको मृत्यु भएको बताए । खोलाले करिब ५ सय मिटर तल बगाएको अवस्थामा शव भेटिएको प्रहरीले जनाएको छ ।

नेपाल प्रहरी, शसस्त्र प्रहरी, नेपाली सेना र स्थानीयको सहयोगमा शव निकाली पोष्टमार्टमका लागि सदरमुकाम पठाइएको प्रहरीले जनाएको छ ।