काठमाडौं– सरकारले गुठीको विषय पनि थपेर भूमिसम्बन्धी विधेयक ल्याउने तयारी गरेको छ । 

यसका लागि सरकारले भूमि व्यवस्था, सहकारी तथा गरिबी निवारण मन्त्रालयलाई सैद्धान्तिक सहमति दिएको छ । सरकारका प्रवक्ता तथा सूचना तथा सन्चारमन्त्री गोकुलप्रसाद बास्कोटाले मन्त्रिपरिषदको पछिल्लो बैठकबारे जानकारी दिँदै गुठी विधेयक पनि एकीकृत विधेयमा समेटिने बताएका हुन् । उनले नयाँ विधेयक ल्याउन भूमि सुधार मन्त्रालयलाई सैद्धान्तिक सहमति दिइएको बताए।

यसअघि सरकारले ल्याएको गुठी विधेयकको चर्को आलोचना भएको थियो । विधेयकको विरोधमा आन्दोलन चर्किएपछि सरकारले विधेयक फिर्ता लिने निर्णय गरेको थियो ।

‘गुठीको जग्गासम्बन्धी कुराहरू छन् तर कति संविधानका अधिकार र उत्पादकत्वका विषय छन्,’ बाँस्कोटाले भने, ‘भूमिको वैज्ञानिक प्रयोग बढाउन भूमिसम्बन्धी एकीकृत विधेयक बनाउन सैद्धान्तिक सहमति दिइएको छ ।’