काठमाडौं— समूह चरणको महत्वपूर्ण मानिएको खेलमा माल्दिभ्सलाई हराउँदै नेपाल जारी १३ औं दक्षिण एशियाली खेलकुद (साग)को फुटबलमा थप अंक बटुलेको छ । योसँगै नेपाल समूहको शीर्ष स्थानमा छ । 

शनिबार भएको खेलमा पहिले माल्दिभ्सले खेललाई अगुवाइ गरेको थियो । तर, माल्दिभ्सको १–० को अग्रता लामो समय रहन सकेन । १८ मिनेटमा माल्दिभ्सका इब्राहिक हुसेनले गोल गरेका थिए । 

माल्दिभ्सको यो पहिलो गोललाई नेपाललका अभिषेक रिजालले बराबरी गोल फर्काए । यो गोल नेपालका लागि ४३ औं मिनेटमा भएको थियो । 

त्यसपछि दोस्रो हाफको सुरुवातमै अनन्त तामाङले पनि गोल गरे । योसँगै नेपालले खेल २–१ को अन्तरमा जित्यो ।