एजेन्सी– चिलीको एक सैन्य विमान वेपत्ता भएको छ । ३८ यात्रुसहित अन्टार्टिकाका लागि उडान भरेको सी १३० हर्कुलस विमान स्थानीय समयअनुसार साँझ ६ बजेबाट हराएको हो । यो विमानले साँझ ५ बजे उडान भरेको थियो ।
विमानमा १७ चालक दलका सदस्य र २१ यात्रु रहेको चिलीको विमान कम्पनीले जनाएको छ । चिलीका अधिकारीहरुले विमानको खोजी कार्य सुरु भइसकेको जनाएको छ ।
समाचार एजेन्सी इएफइले विमानका रहेका तीन जना सर्वसाधरण भएको जनाएको छ ।
विमान हराउनुअघि कुनै पनि नराम्रो संकेत प्राप्त नभएको त्यहाँका अधिकारीले जनाएका छन् ।
चिलीका राष्ट्रपति सेबास्टियन पिनेराले ट्विट गर्दै आफू चिन्तित भएको र यसबारे स्यान्टियागोबाट आफूले फलो गरिरहेको बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।