विराटनगर– स्कुल बसले किचेर मोरङमा एक वर्षीय बालकको मृत्यु भएको छ । मृत्यु हुनेमा मोरङको बेलबारी नगरपालिका– ५ की शिवकुमारी साहका एक वर्षीय छोरा यशराज शाह छन् । 

शिवकुमारीले स्थानीय बोर्डिङ स्कुलको एलकेजीमा पढ्ने पाँच वर्षीय छोरा सोनुलाई बसमा चढाउने क्रममा भुइँमा राखेका अर्का छोरा यशराज घस्रिँदै बसमुनि पुगेका थिए । सोही बसले किच्दा नाबालकको घटनास्थलमै मृत्यु भएको हो ।

को१क ३०४६ नम्बरको बसका चालक बेलबारी नगरपालिका–६ का ४५ वर्षीय डम्बरबहादुर खड्कालाई नियन्त्रणमा प्रहरीले लिएको छ ।