एजेन्सी– नरेन्द्र मोदी सरकारका पूर्वमुख्य आर्थिक सल्लाहकार अरविन्द सुब्रमण्यमले भारत अब कुनै सामान्य आर्थिक संकटमा नभइ गम्भीर आर्थिक संकटमा आएको बताएका छन् । 

यो अभिव्यक्ति दिनुपहिले अरविन्दले भारतको जिडिपी डाटाबारे केही तथ्यांक पनि प्रस्तुत गरेका थिए । उनले सन् २०११ देखि सन् २०१६ सम्म भारतको जिडिपी २.५ प्रतिशतले वृद्धि भएको जनाएका हुन् ।

उनले यो तथ्यांक सम्पन्नताको कुनै मापदण्ड नभएको पनि बताएका छन् । अरविन्द भारतको जुन जिडिपी डाटा विश्वस्तरमा स्वीकार गरिएको छ, त्यसबारे फेरि विचार गर्न पनि सल्लाह दिएका छन् ।

बेलायतको अक्सफोर्ड विश्वविद्यालयबाट पढेका अरविन्दले नरेन्द्र मोदी सरकारको पहिलो कार्यकालमा तीन वर्षसम्म आर्थिक सल्लाहकार रुपमा काम गरेका थिए । उनी भारतको मात्र नभएर विश्वकै प्रख्यात अर्थशास्त्री हुन् । 

भारतको न्युज च्यानल एनडिटिभीलाई दिएको अन्तर्वार्तामा अरविन्दले भारतको आर्थिक संकट अब गहिरो भएको बताएका हुन् । 

उनले भनेका छन्, ‘भारतमा गैर पेट्रोलियमको उत्पादन तथा आयात र निर्यात दरमा क्रमशः ६ प्रतिशत र एक प्रतिशत कमी आएको पनि बताएका छन् । क्यापिटल इन्ड्रस्टीको वृद्धिमा पनि १० प्रतिशत कमी आएको उनले बताएका छन् ।’