काठमाडौं– नेपालका युवा लेग स्पिनर सन्दीप लामिछानेले यो सिजनको एभरेस्ट प्रिमियर लिग (इपिएल) काठमाडौं किंग्स ११ बाट खेल्ने भएका छन् । उनी इपिएलले ल्याएको ट्रेड प्रावधान अनुसार ललितपुर प्याट्रियट्सबाट काठमाडौं आएका हुन् ।
ट्रेड प्रावधानमा दुई टिमबिचको समझदारीमा खेलाडी किनबेच गर्न सकिने व्यवस्था रहेको छ । यसमा आर्थिक पाटो भने गोप्य राखिएको छ । यो प्रावधान अनुसार हरेक खेलाडीले दुई टिमबिच ट्रेड भएको खण्डमा उक्त रकमको ६० प्रतिशत रकम खेलाडीले पाउने छन् ।
इपिएलको क्याटगोरी ए को टे«डको लागि तोकीएको समय गत ९ जनवरीमा सकिएता पनि सन्दिप लामिछाने बिग बासमा व्यस्त रहेकाले सम्झौतामा केही ढिलाइ भएको इपिएल स्रोतले जानकारी दिएको छ ।
सन्दिप गत सिजनको विजेता ललितपुर प्याट्रियट्सबाट २ खेलमात्र खेलेर बिग बास लिग खेल्न अष्ट्रेलिया गएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
