काठमाडौं– गायिका आस्था राउतमाथिको प्रहरी दुर्व्यहारको छानबिन हुने भएको छ । राउतले त्रिभुवन विमानस्थलका महिला प्रहरीले आफूमाथि असभ्य व्यवहार गरेको भन्दै बिहीबार एक भिडिओ सार्वजनिक गरेकी थिइन् । 

राउतको सो भिडियो सामाजिक सञ्जालमा भाइरल भएको थियो । सो सम्बन्धमा छानबिन गर्न नेपाल प्रहरीले महानगरीय प्रहरी कार्यालय, काठमाडौंलाई निर्देशन दिएको जनाएको छ ।  

गायिका राउत बुधबार सिक्किम जानका लागि त्रिभुवन विमानस्थलमा पुग्दा त्यहाँ खटिएकी एक महिला प्रहरीले आफूमाथि असभ्य व्यवहार गरेको राउतले भिडियोमा खुलाएकी छिन् । भाइरल भएपछि आक्रोशपूर्ण सो भिडियो बिहीबार राउतले फेसबुक पेजबाट हटाएकी छिन् ।