काठमाडौं– विश्वको सबैभन्दा होचा व्यक्तिको रेकर्ड बनाएका खगेन्द्र थापामगरको निधन भएको छ । उनी बिरामी भएपछि बिहिबार पोखरास्थित मणिपाल अस्पतालमा भर्ना भएका थिए । उपचारको क्रममा उनको शुक्रबार साँझ निधन भएको हो । 

खगेन्द्र थापा मगर प्रतिष्ठानका अध्यक्ष मीनबहादुर रानामगरका अनुसार चिकित्सकले शुक्रबार दिउँसो ३ बजे उनलाई मृत घोषणा गरेका हुन् । निमोनियाका कारण खगेन्द्रको मृत्यु भएको जनाइएको छ ।

बाग्लुङमा जन्मिएका खगेन्द्को उचाइ ५७ सेन्टिमिटर मात्र थियो । उनी २०४९ सालमा जन्मिएका थिए ।