मोरङ– मोरङको रंगेलीमा स्कुल बस दुर्घटनामा परेको छ । मोरङको लर्डबुद्ध कलेजका विद्यार्थी बोकेको बस दुर्घटनामा पर्दा एकजनाको मृत्यु भएको छ । ११ जना विद्यार्थी घाइते छन् । 

दुर्घटनामा बसका सहयोगी ३२ वर्षीय सानु साहको मृत्यु भएको हो । 

प्रहरीका अनुसार मे १ ख १४९० को बस घनपालथान गाउँपालिका वडा नम्बर(४ रामचोकमा अनियन्त्रित भएर पल्टिएको हो । घाइते विद्यार्थीको अवस्था सामान्य रहेको प्रहरीले जनाएको छ । 

बसका चालकका अनुसार बाक्लो हुस्सु लागेकोले विपरीत दिशाबाट आउँदै गरेको सवारी टाढैबाट देख्न नसक्दा बस अनियन्त्रित भई पल्टेको थियो ।