काठमाडौं– सहिद स्मारक ‘ए’ डिभिजन लिगअन्तर्गत शुक्रबार दुई खेल हुँदै छन् । आठौँ चरणअन्तर्गत पहिलो खेलमा साविक विजेता मनाङ मर्स्याङ्दी क्लब र सरस्वती युथ क्लब बीच खेल हुनेछ । साे खेल मध्याह्न १२ बजे सुरु हुनेछ ।

दिउँसाे ३ बजे दोस्रो खेलमा च्यासल युथ क्लब र ब्रिगेड ब्वाईज क्लबबीच प्रतिस्पर्धा हुँदै छ । दुवै खेल त्रिपुरेश्वरस्थित दशरथ रंगशालामा हुने एन्फाले जनाएको छ ।

मनाङ ७ खेलमा ३ जित र ४ बराबरी खेल्दै १३ अंकसहित अंक तालिकाको चौथो स्थानमा छ । सरस्वती उति नै खेलबाट १ अंक जोड्दै पुछारमा छ  । 

यस्तै ब्रिगेड ८ अंकसहित नवौँ स्थानमा रहेको छ भने ६ अंकसहित च्यासल १२औँ स्थानमा छ ।