एजेन्सी– भारतको एक कबड्डी टिम पाकिस्तान पुगेपछि भारतमा हंगामा भएको छ । यो टिम पाकिस्तानमा भएको खेल आफ्नो माटो, आफ्नो खेल नामको प्रतियोगितामा भाग लिन पाकिस्तान पुगेको थियो ।

भारतको कबड्डी फेडेरेसनले कबड्डी टिमलाई पाकिस्तान जान कुनै स्वीकृति नदिइएको जनाएको छ । 

उनीहरुविरुद्ध कानुनी कारवाही गर्ने तयारी गरिएको पनि फेडेरेसनले जनाएको छ । 

उता, पाकिस्तानमा यो प्रतियोगिताको आयोजकले यसमा आफ्नो कुनै धारणा नरहेको जनाएको छ । यो भारतको आन्तरिक मामला भएको र यसबारे आफूहरुले कुनै प्रतिक्रिया नदिने पाकिस्तानले जनाएको हो ।