काठमाडौं– टियु क्रिकेट मैदानमा भइरहेको त्रिकोणात्मक एक दिवसीय सिरिज अन्तर्गत नेपालले अमेरिकालाई ५.२ ओभरमा नै जित निकालेको छ । अमेरिकाले दिएको ३६ रनको लक्ष्य पछ्याएर मैदानमा उत्रिएको नेपालले दुई विकेट गुमाउँदै लक्ष्य भेट्याएको हो ।
यसका लागि नेपालका कप्तान ज्ञानेन्द्र मल्लले १ रनको योगदान दिए । ज्ञानेन्द्रसँगै ओपनिङमा आएका सुवास खकुरेलले एक रन पनि जोड्न सकेनन् ।
त्यसपछि मैदानमा आएका पारस खड्का र दीपेन्द्र सिंह ऐरीले क्रमशः २० रन र १५ रनको योगदान दिए ।
योसँगै नेपालले खेल जित्यो । यसअघि अमेरिकासँग भएको खेलमा पनि नेपालले जित निकालेको थियो । तर, यो क्रिकोणात्मक सिरिजमा ओमानसँगका दुवै खेलमा नेपाल पराजित भयो ।
यो जितले विश्व क्रिकेट इतिहासमा नयाँ रेकर्ड कायम गरेको छ ।
नेपालले अमेरिकालाई ३८ मिनेटमा नै जित निकालेको छ । अहिलेसम्म चेज गर्दा छैटौं ओभर खेलेर यति छोटो समयमा कुनै पनि टिमले जित निकालेको यो पहिलो पटक हो ।
यसअघि नेपालले टस जितेर फिल्डिङ रोजेको थियो । नेपालका लागि सन्दीप लामिछानेले ६ र सुशन भारीले ४ विकेट लिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।