एक महिनाअघि मात्र बलिउड अभिनेता सलमान खानले आफ्नो ५४ औं जन्मदिन मनाए । फिल्म करिअरमा निकै सफल सलमान खानले अहिलेसम्म विवाह गरेका छैनन् । 

तर, यसको अर्थ के होइन भने उनी कहिल्यै पनि कोहीसँग पनि सम्बन्धमा रहेनन् । उनको र ऐश्वर्या रायको सम्बन्धबारे त सबैलाई थाहा छ । 

तर, सलमान खानको नाम ऐश्वर्यासँग मात्र होइन क्याटरिना कैफ, संगीता बिजलानी, युलिया वन्तुरलगायतसँग पनि जोडिँदै आएको छ । अब भारतीय सन्चारमाध्यममा आएको एक रिपोर्टलाई मान्ने हो भने सलमान खानको पहिलो प्रेमिका जो हुन्, उनको र कियारा आडवाणीको सम्बन्ध पर्छ । 

खासमा यो दाबी कियाराले नै गरेकी हुन् । उनले सलमान खान १९ वर्षको हुँदा उनकी हजुरआमा शाहीन जाफरीसँग अफेयर चलेको दाबी गरेकी हुन् ।