काठमाडौं– चीनमा कोरोना भाइरस देखिएपछि अहिलेसम्म कम्तिमा पनि १७ सय जना मानिसको मृत्यु भइसकेको छ । अहिलेसम्म यो कोरोना भाइरस केबाट फैलिएको हो भन्ने एकिन भइसकेको छैन । चिनियाँ सहर वुहानमा पहिलो पटक यो भाइरस देखिएको थियो । 

अब त यो भाइरस २५ भन्दा बढी देशमा देखिइसकेको छ । 

तर, लेखनमा विश्वास नगर्नेहरुले वा कल्पनालाई नपत्याउनेहरुले यसबारे एउटा रोचक तथ्य थाहा पाउनु पर्ने भएको छ । 

त्यो हो– यो भाइरसबारे आजभन्दा ४० वर्षअघि नै लेखिएको थियो । 

एउटा उपन्यास द आइज अफ डार्कनेसमा यसबारे लेखिएको छ । लेखक डाँ कुन्जले सन् १९८१ मा यो उपन्यासमा वुहान–४०० नामको भाइरसबारे लेखेका छन् । त्यसो त उपन्यासमा उनले यो भाइरस ल्याबमा विकास गरिएको पनि लेखेका छन् । 

अहिले सामाजिक सन्जाल ट्विटरमा यसबारे लेख्न थालिएको छ । यसरी ट्विटरमा लेख्नेहरुमा भारतीय मन्त्रीसमेत छन् ।