Thu, 09 Apr, 2020


टिपरले ठक्कर दिँदा दुई भारतीयकाे मृत्यु
फरकधार / फागुन ६, २०७६

सप्तरीको बोदे बसाइन नगरपालिका–४ गौरास्थित सडक खण्डमा सवारी दुर्घटना हुँदा दुई भारतीय नागरिकको मृत्यु भएको छ । बोदे बसाइनबाट विष्णुपुरतर्फ जाँदै गरेको ना १ क ५५२७ नम्बरको टिपरको ठक्करले विपरीत दिशाबाट आउँदै गरेको स १ ह ३७९५ नम्बरको अटोमा सवार दुई भारतीयको मृत्यु भएको सप्तरी प्रहरीले जनाएको छ ।



मृत्यु हुनेमा भारत जिल्ला अररिया मोतिहारी ग्राम पञ्चायत-७ का २६ वर्षीय मोहम्मद सदाम हुसेन र ४५ वर्षीया कुनकुनिया खातुन रहेका छन् । हुसेनको घटनास्थलमै र खातुनको न्युरो अस्पताल विराटनगरमा उपचार गर्न लैजाने क्रममा बाटोमा मृत्यु भएको जिल्ला प्रहरी कार्यालय सप्तरीका प्रहरी नायब उपरीक्षक तिलक भारतीले जानकारी दिए । रासस


यो सामाग्री सेयर गर्नुहोस्


यो पनि नछुटाउनुहोस्