काठमाडाैं– सञ्चार तथा सूचना प्रविधिमन्त्री पदबाट राजीनामा गरेका गोकुल बाँस्कोटाले ट्विट गर्दै राजीनामा दिएकाे पुष्टि गरेका छन् । उनले लेखेका छन्– मेरोबारेमा प्रश्न उठेकोले सम्माननीय प्रधानमन्त्रीज्यूसमक्ष नैतिकताको आधारमा मन्त्री पदबाट राजीनामा दिएको जानकारी गराउँदछु । धन्यवाद ।
यसअघि सभामुख अग्निप्रसाद सापकोटाले सदनलाई जानकारी गराउँदै सञ्चारमन्त्री बाँस्कोटाले राजीनामा दिइसकेको बताएका थिए । सदनमा सापकोटाले अनौपचारिक रूपमा राजीनामा गरेको जानकारी प्राप्त भएको बताएका थिए ।
एक स्विस कम्पनीसँग ७० देखि ७५ करोड रुपैयाँ कमिसन आउँदा त्यसको ७० प्रतिशत कमिसन आफूलाई दिन बार्गेनिङ गर्दै गरेको अडिओ टेप सार्वजनिक भएपछि मन्त्री बाँस्कोटाले राजीनामा दिएका हुन् ।
गाेकुल बाँस्कोटाकाे ट्विट
मेरो बारेमा प्रश्न उठेकोले सम्माननीय प्रधानमन्त्रीज्यू समक्ष नैतिकताको आधारमा मन्त्री पदवाट राजिनामा दिएको जानकारी गराउँदछु। धन्यवाद ।
— Gokul Prasad Baskota (@GokulPBaskota) February 20, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।