काठमाडौं– आइसिसी महिला टी–२० विश्वकपमा भारतले विजयी सुरुवात गरेको छ । आज सिड्नी सो ग्राउन्ड क्रिकेट मैदानमा भएको खेलमा भारतले आयोजक तथा साबिक विजेता अष्ट्रेलियालाई  १७ रनले पराजित गर्दै सुखद् सुरुवात गरेको हो ।     

टस हारेर ब्याटिङको निम्तो पाएको भारतले निर्धारित २० ओभरमा ४ विकेट गुमाउँदै १३२ रन बनाएको थियो । भारतका लागि दिप्ति शर्माले सर्वाधिक ४९ नरको योगदान दिइन् । त्यस्तै, सफाली बर्माले २९ तथा जेमिमा रोड्रिगेजले २६ रनको योगदान दिए । 

अष्ट्रेलियाका लागि जेस जोनासनले २ तथा एलिस पेरी तथा डिलिसा किमिंग्सेले समान १ विकेट हात पारे । १३३ रनको लक्ष्य पछ्याएको अष्ट्रेलियाले निर्धारित २० ओभरमा सबै विकेट गुमाउँदै ११५ मात्र रन बनाउन सक्यो । 

अष्ट्रेलियाका लागि एलिस हेली तथा एलेङ गार्डनरबाहेक अन्यले राम्रो ब्याटिङ गर्न सकेनन् । अष्ट्रेलियाका लागि एलिस हेलीले सर्वाधिक ५१ रनको योगदान दिइन् । ३५  बलको सामना गरेकी उनले ६ चौका तथा १ छक्का प्रहार गरिन् । 

त्यस्तै एसालेङ गर्डनरले ३४ रनको योगदान दिँदा अन्यले दोहोरो अंक छुन सकेनन् । अष्ट्रेलियाको पारी ध्वस्त बनाउने क्रममा भारतकी पुनम यादवले ४, शिखा पाण्डेले ३ तथा राजेश्वरी गायकवन्डले १ विकेट हात पारे भने २ विकेट रन आउटको रुपमा प्राप्त भयो ।