चीनको हुवेई प्रान्तको वुहान सहरबाट फैलिएको कोरोना भाइरसको संक्रमण दक्षिण कोरियामा पनि तीव्र गति भएपछि नेपालस्थित दक्षिण कोरिया दूतावासले कोरियामा रहेका नेपालीलाई यसबाट सुरक्षित रहन आग्रह गरेको छ ।
कोरियामा तीव्र गतिमा संक्रमितहरू फेला पर्न थालेपछि कोरियाली सरकार र सम्बद्ध स्वास्थ्य निकायहरूले समयसमयमा जारी गर्दै आएका सुरक्षाका उपायहरू प्रभावकारी ढंगले अवलम्बन गर्न आग्रह गरेको छ ।
दक्षिण कोरियाली सञ्चार माध्यमबाट प्रकाशित समाचारहरूमा जनाइएअनुसार २२ फेब्रअरी २०२० (१० फागुन २०७६) सम्म कोरोना भाइरस संक्रमितहरूको संख्या चार सय नाघिसकेको छ ।
कोरोना भाइरस संक्रमणको आशंका लागेमा अवैधानिक रूपमा कोरियामा रहेका विदेशीहरू समेतले सार्वजनिक स्वास्थ्य संस्थाहरूमा गई चेकजाँच तथा उपचार गराउन अनुरोध गरेका छन् ।
साथै सोको क्रममा पक्राउ नगर्ने, स्वदेश नफर्काउने तथा बिरामीको कानुनी हैसियतबारे नसोध्न अस्पतालहरूलाई निर्देशन दिइएको दूतावासले जनाइएको छ । हाल सबैभन्दा धेरै संख्यामा देखापरेका थेगु तथा आसपास क्षेत्रका रहेका नेपाली विद्यार्थीहरू, अन्य पेसा, व्यवसाय र श्रम गरी बसेका नेपालीलाई विशेष सावधानी अपनाउन पनि दूतावासले अनुरोध गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।