एजेन्सी– भारतीय क्रिकेटर महेन्द्र सिंह धोनी लामो समयको विश्रामपछि अब क्रिकेट मैदानमा फर्किएका छन् । भारतमा आइपिएल २०२० को सुरुवात २९ मार्चबाट हुँदैछ । पहिलो खेल चेन्नई सुपर किंग्स र मुम्बई इन्डियन्सबीच खेलिँदै छ । चेन्नई सुपर किंग्सका कप्तान महेन्द्र सिंह धोनी पनि यो खेल खेल्नका लागि चेन्नई पुगेका छन् । 

टिमको होटलमा जब मेहन्द्र सिंह धोनीसँग अर्का क्रिकेटर सुरेश रैना मिलेको थिए, त्यहाँ एउटा भिडियो खिचियो । अहिले त्यो भिडियो सिएसकेले आफ्नो ट्विटर ह्यान्डलमा राखेको छ । र, यो भिडियो भाइरल भएको छ ।

धोनी आइसिसी विश्वकप २०१९ को सेमिफाइनल पछि क्रिकेट मैदानमा देखिएका छैनन् । त्यसैले पनि उनको कमब्याकको धेरैलाई प्रतीक्षा छ ।