एजेन्सी— हलिउडका विवादास्पद फिल्म निर्माता हार्वी वाइनस्टीनलाई बलात्कार तथा यौन अपराधका विभिन्न मुद्दामा २३ वर्षको जेल सजाय सुनाइएको छ । 

वाइनस्टीनलाई गत महिना न्युयोर्कमा दोषी ठहर गरिएको थियो । 

बुधबार ६७ वर्षीय वाइनस्टीन ह्विल चेयरमा अदालतमा पुगेका थिए । त्यहाँ उनका वकिलले सजायमा छुटको अनुरोधगरेका थिए । उनका वकिलले उनलाई पाँच वर्षको जेल सजाय नै आजीवन कारावासको सजाय जस्तै हुने बताएका थिए ।

तर, अभियोजन पक्षले उनले जुन तरिकाले लामो समयसम्म महिलाहरुमाथि दुव्र्यवहार गरेका थिए र त्यसमा कुनै पश्चाताप नदेखिएकाले उनलाई अधिकतम सजाय दिनु पर्ने माग गरेका थिए ।