क्यारेबियन देश पोर्टो रिकोले कोरोना भाइरस संक्रमण नफैलियोस् भनेर देशभर कफ्र्यु लगाएको छ ।
आइतबार त्यहाँका गर्भनर वान्डा भाक्वेज गार्सेदले स्पेनिस भाषामा भनेका छन्, ‘हामीले अरु देशमा लिइएको जस्तै निकै कडा कदम लिनु परेको छ ।’
तर, त्यहाँ सरकारी कर्मचारीहरुलाई यो कफ्र्यु नलाग्ने बताइएको छ ।
आजबाट सुरु भएको कफ्र्यु राति नौ बजेबाट विहान पाँच बजेसम्मका लागि अत्यन्त कडा हुने बताइएको छ । यो ३० मार्चसम्म लागु हुने बताइएको छ । त्यहाँको अस्पताल तथा बैंकहरुलाई चाहिँ कफ्र्युको समयमा पनि खुल्न दिइने बताइएको छ ।
यो देशमा अहिलेसम्म कोरोना भाइरसका जम्मा ३ संक्रमित भेटिएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
