काठमाडौं– टिपरको ठक्करबाट आमा छोरीको निधन भएपछि काभ्रेको पनौती तनावग्रस्त भएको छ ।
त्यहाँ जम्मा भएको आक्रोशित भीडलाई नियन्त्रणमा लिन प्रहरीले हवाइ फायरसमेत गर्नु परेको छ । आक्रोशित भीडमाथि जाइलागेको प्रहरीका हवल्दार घाइते भएका छन् । अन्य एक प्रहरी जवान पनि घाइते भएको जनाइएको छ ।
प्रदर्शनकारी तर्फ तीन जना घाइते भएका छन् ।
भीडलाई तितरवितर बनाउन प्रहरीले अश्रुग्याँस समेत प्रहार गरोको थियो ।
सोमबार दिउँसो पनौतीको मानेश्वरी बसपार्कमा एउटा टिपरले ठक्कर दिँदा जानीमाया गोले र उनकी छोरी स्मारिका गम्भीर घाइते भएका थिए । उनीहरुको अस्पतालमा उपचारका क्रममा निधन भएपछि त्यहाँका स्थानीय विरोधमा उत्रिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।