प्युठान— पवित्र तीर्थस्थल स्वर्गद्वारी आश्रम प्रमुखको उत्तराधिकारीमा डा. रुद्र मिश्र ‘ध्रुवश्री’ चयन भएका छन् । आश्रम प्रमुख भागवतानन्द गिरीले मंगलबार मिश्रलाई उत्तराधिकारीमा नियुक्त गरेका हुन् । 

ध्रुवश्रीलाई रुद्रानन्द बह्मचारी नामकरणसमेत गरिएको छ । गिरीले श्रीशक्ति महायज्ञको समापनको अवसर पारेर आफनै चेला डा. मिश्रलाई उत्तराधिकारी बनाएको घोषणा गरेका हुन् । उनले एक वर्षसम्म उपासना बसेर श्रीशक्ति महायज्ञ सञ्चालन गरेका थिए ।  

स्वर्गद्वारी आश्रममा गुरुले चेलालाई पहिले उत्तराधिकारी र पछि आश्रम प्रमुखको जिम्मेवारी तोक्ने परम्परा छ । मिश्रले वेद विषयमा विद्यावारिधि गरेका छन् ।

स्वर्गद्वारी आश्रमका नाममा दाङको लमही, घोराही, तुलसीपुरलगायत महत्त्वपूर्ण स्थानमा १ हजार ५० बिघाभन्दा बढी जग्गा–जमिन छ ।