एजेन्सी– कोरोना भाइरसको संक्रमणले निकै तनाव उत्पन्न गराएपछि बेलायतमा रिटायर्ड स्वास्थ्यकर्मीलाई पनि सेवामा आउन बोलाउन थालिएको छ । यसका लागि त्यहाँको सरकारले ६५ हजारभन्दा बढी चिकित्सक तथा नर्सलाई चिठी लेखेको छ । 

चिठीमा उनीहरुलाई फेरि एनएचएस आउन अनुरोध गरिएको छ । कोरोना प्रकोपसँग लड्न सरकारले उनीहरुको साथ खोजेको चिठीमा अभिव्यक्ति दिइएको बताइएको छ । 

अनि त्यहाँको सरकारले सबै अस्पताललाई उच्च सतर्कता अपनाउनु पर्ने र आवश्यक गियर र भेन्टिलेटरको व्यवस्था गर्नु पर्ने पनि बताएको छ ।