पछिल्ला केही दिनयता युरोपेली मुलुक इटालीमा कोरोना भाइरसका कारण मृत्यु हुनेको संख्या बढ्दो छ । अब २४ घन्टा यता इटालीमा ७९३ जनाको मृत्यु भएको बताइएको छ । 

यो कोरोना भाइरसको संक्रमण फैलिएपछि एउटै देशमा एक दिनमा मृत्यु भएको सबैभन्दा बढ्दो संख्या हो । योसँगै अब इटालीमा कोभिड १९ का कारण ४ हजार ८ सय २५ जनाको मृत्यु भएको छ । 

अहिले औसतमा प्रत्येक दुई मिनेटमा इटालीमा एक जना व्यक्तिको कोरोना भाइरसका कारण मृत्यु भइरहेको छ ।

इटालीमा संक्रमण पनि व्यापक फैलिइरहेको छ । पछिल्लो समय इटालीमा कोरोना भाइरस संक्रमितको संख्या ५३ हजार ५ सय पुगिसकेको छ । यो शुक्रबारको भन्दा ६५०० ले बढी हो । 

अब इटालीले कोरोना भाइरस संक्रमणसँग लड्न सेना परिचालन गर्ने योजना बनाएको छ ।