अर्घाखाँची– कोरोना भाइरस संक्रमणको जोखिमलाई मध्यनजर गर्दै अर्घाखाँची जिल्ला आज रातिदेखि लकडाउन गरिने भएको छ । 

सोमबार विहान अर्घाखाँची सदरमुकाममा बसेको प्रमुख जिल्ला अधिकारीको अध्यक्षताको सर्वपक्षीय बैठकले अर्घाखाँची तत्काल लकडाउन गर्ने निर्णय गरेको हो । अब अर्को सूचना जारी नभएसम्म अर्घाखाँची लकडाउन हुनेछ ।

अब अन्य जिल्लाबाट अर्घाखाँची जिल्लामा निजी सवारी साधन पनि प्रवेश गर्न पाउने छैनन् । बैठकले मोटरसाइकलमा पनि पूर्ण प्रतिबन्ध लगाउने निर्णय गरेको छ । तर, यसबीचमा मालवाहक सवारी साधन, ग्यास तथा तेलका ट्याङ्कर चाहिँ जान पाउने छन् ।

यसअघि कन्चनपुर र जुम्ला जिल्लाले पनि लकडाउन गर्ने फैसला गरिसकेका छन् ।