काठमाडौं– नेपाल सरकारले कोरोना भाइरसविरुद्ध बनाएको केन्द्रीय कोषमा राष्ट्रिय सभा अध्यक्ष गणेश तिमिल्सिनाले एक महिनाको तलब बराबरको रकम दिने भएका छन् ।
आइतबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले यो कोष स्थापनाको निर्णय गरेको थियो । त्यही कोषमा आफ्नो एक महिनाको तलब दिने तिमिल्सिनाले घोषणा गरेका हुन् ।
साथै तिमिल्सिनाले यो कोष बनाउने सरकारको निर्णयलाई स्वागत पनि गरेका छन् ।
‘अहिले विश्वमा जुन सन्त्रास देखिएको छ, त्यसका लागि हामी सबैले आआफ्नो क्षेत्रबाट सहयोग गर्नुपर्छ,’ तिमिल्सिनाले फरकधारसँग भने, ‘हामीले सरकारले दिएका निर्देशनहरु पालना गर्नुपर्छ, त्यसो गर्न सकेको खण्डमा मात्र हामीले कोरोना भाइरसबाट आफूलाई सुरक्षित राख्न सकिन्छ ।’
उनले यो कोषमा आफ्नो सानो सहयोगले देशमा आइ पर्न सक्ने विपत्तिविरुद्धको लडाइँलाई सामना गर्न केही हदसम्म भए पनि सहज हुने विश्वास लिएको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।