काठमाडौं– संसदीय सुनुवाई समितिले चीनका लागि नेपाली राजदूत सिफारिसमा परेका महेन्द्रबहादुर पाण्डेको नाम अनुमोदन भएको छ । 

सोमबार बसेको सुनुवाई समितिको बैठकले उनको नाम सर्वसम्मतिले अनुमोदन गरेको हो । उनी नेकपाका नेता हुन् ।

सरकारले यसअघि चीनका लागि नेपाली राजदूत लीलामणि पौड्याललाई फिर्ता बोलाएर सो स्थानमा महेन्द्रबहादुर पाण्डेको नाम सिफारिस गरेको थियो ।

गत फागुनमा उनको नाम सिफरिस गरिएको थियो । संसदीय सुनुवाई समितिबाट नाम अनुमोदन भएपछि अब पाण्डेलाई राष्ट्रपतिले राजदूतमा नियुक्ति गर्नेछिन् ।