खेलहरुको महाकुम्भ टोकियो ओलम्पिक २०२० स्थगित गरिएको छ । अब यो महाकुम्भ सन् २०२१ मा हुने भएको छ । तर, यसको औपचारिक घोषणा भइसकेको छैन । 

औपचारिक घोषणा नभए पनि ओलम्पिक समितिका सदस्य डिक पाउन्डले यो जानकारी दिएका छन् । अमेरिकी पत्रिका युएस टुडेलाई उनले दिएको जानकारीअनुसार कोरोना भाइरसका कारण सन् २०२० को टोकियो ओलम्पिक एक वर्षका लागि स्थागित गरिएको हो । 

पछिल्लो समय विभिन्न देशले आफ्ना टिमहरु ओलम्पिकमा नपठाउने बताएका थिए । त्यही आधारमा पनि यसलाई स्थगित गरिएका हो । बेलायत, अष्ट्रेलिया, क्यानडाले अहिले टोकियोमा खेल भए आफूहरु प्रतिस्पर्धा नगर्ने बताएका थिए ।

‘ओलम्पिक कमिटीले दिएको जानकारीअनुसार यो स्थगित भएको छ,’ पाउन्डले अन्तर्वार्तामा भनेका छन् ।