काठमाडौं– अमेरिकी राष्ट्रपति डोनाल्ड ट्रम्पले कोरोना भाइरस (कोभिड–१९)का कारण मुलुकमा वित्तीय संकट आउन नदिने प्रतिबद्धता व्यक्त गरेका छन् । अमेरिका बन्द गराउनको लागि नबनेको बताउँदै ट्रम्पले आफ्नो प्रशासनले सतर्कतापूर्वक आर्थिक काम सञ्चालन गर्ने बताएका हुन् । 

आफूले सबै पक्षसँग सल्लाह गरेर सबै आर्थिक गतिविधिलाई यथावत् रुपमा सञ्चालन गराउने तयारी भइरहेको उनले बताएका छन् । कोरोना भाइरस संक्रमणका कारण अमेरिकामा सबै व्यवसाय बन्द भएका छन् भने उल्लेख्य मात्रामा रोजगारीमा कटौती गरिएको छ । भाइरसको कारण अमेरिकाको अर्थतन्त्रमा प्रत्यक्ष रुपमा प्रभाव परेको छ ।  

उनले एक साताभित्रै यथावत् रुपमा व्यवसाय चल्न सक्ने बताएका छन् । चिकित्सासम्बन्धी समस्या रहेको, तर यसको कारण मुलुकमा वित्तीय संकट आउन नदिने उनको प्रतिबद्धता छ । 

कोरोना भाइइस संक्रमणका कारण अमेरिकामा अहिलेसम्म ५ सय ८२ जनाको मृत्यु भइसकेको छ । यो भाइरसका कारण ४६ हजार १ सय ४५ जना संक्रमित भइसकेका छन् ।