एजेन्सी– चीनको वुहानबाट सुरु भएको कोरोना भाइरसको नयाँ इपिसेन्टरका रुपमा यो महिनाको सुरुवातमा विश्व स्वास्थ्य संगठनले युरोपलाई घोषणा गर्यो । 

युरोपको इटालीमा कोरोना भाइरस संक्रमणका कारण निकै धेरैले ज्यान पनि गुमाइसकेका छन् । 

अब इटालीमा विस्तारै नियन्त्रणमा आउन लागेको यो भाइरसले स्पेनमा वितण्डा मच्चाउन थालेको छ । स्पेनमा पछिल्लो २४ घन्टामा यो भाइरसका कारण ५ सय १४ जनाको मृत्यु भएको छ । यो स्पेनमा एकै दिनमा भाइरसका कारण मृत्यु हुने सबैभन्दा धेरै संख्या हो । स्पेनमा अहिलेसम्म यो भाइरसका कारण २६९६ जनाको मृत्यु भइसकेको छ । त्यहाँ झन्डै ४० हजारमा भाइरस संक्रमण देखिएको छ ।