एजेन्सी– केही दिनयता कोरोना भाइरस संक्रमण सुरु भएको चीनको वुहानबाट खुसीको खबर आइरहेका थिए । त्यहाँ पछिल्ला केही दिन नयाँ संक्रमितहरु नभेटिएका समाचारले विश्वभर कोरोना भाइरस नियन्त्रणमा लिन सकिने आशा जगाएका थिए ।
तर, मंगलबार फेरि चीनमा कोरोना भाइरसका नयाँ संक्रमित भेटिएका छन् । अन्तर्राष्ट्रिय सन्चारमाध्यमहरुका अनुसार मंगलबार चीनमा ४७ जना नयाँ संक्रमित भेटिएका हुन् ।
त्यसो त केही दिनयता चीनले आफ्नोमा कोरोना भाइरस संक्रमित नभेटिएको बताए पनि विदेशबाट आउने केहीलाई कोरोना भाइरस देखिएको बताउँदै आएको छ ।
चीनमा अब विस्तारै जीवन सामान्य हुँदै गइरहेको छ, बेइजिङमा चिडियाघर खुल्न थालेका छन्, वुहानमा पनि विद्यार्थीहरु ५८ दिनको लकडाउन पछि विद्यालय फर्किन थालेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।