काठमाडौं– कोरोना भाइरस संक्रमण रोकथामका लागि सरकारले आह्वान गरेको लकडाउनमा अब पसल खोल्ने समय तोकिएको छ । बुधबार दिउँसो प्रहरीले बानेश्वर आसपासका विभिन्न क्षेत्रमा गएर माइकिङ गरेको छ ।
प्रहरीले खाद्यान्न तथा अन्य पसलहरुलाई पनि राति दुई बजेदेखि विहान सात बजेसम्म मात्र पसल खोल्न अनुरोध गरेको छ ।
‘भर्खर प्रहरी आएर यस्तो आदेश दियो,’ बानेश्वरमा रहेको लुम्बिनी किराना पसलका सन्चालकले भने, ‘राति २ बजेदेखि विहान सात बजेसम्म मात्र पसल खोल्नु भन्ने प्रहरीको भनाइ छ ।’ उनले सरकारले खाद्यान्न पसलहरु दिनभर खुला राख्न गृहमन्त्रालयका प्रवक्ताले भनेको भए पनि प्रहरीले आएर यस्तो भनेपछि आफूले मानेर पसल बन्द गरेको जनाए ।
प्रहरीले यस्तो भनेपछि बानेश्वर आसपासका सबै पसलहरु बन्द भएका छन् । बानेश्वरबाट पुरानो बानेश्वर जाने बाटोमा प्रहरीले बुधबार साँझ चार बजेतिर यस्तो माइकिङ गरेको थियो । त्यही क्रममा केही पसलका सटरसमेत प्रहरीले नै तानिदिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।