Wed, 08 Apr, 2020


अफगानिस्तानको काबुलमा शिख मन्दिरमा आक्रमण, २७ जनाको मृत्यु
फरकधार / चैत १३, २०७६

एजेन्सी– अफगानिस्तानको राजधानी काबुलस्थित एक शिख मन्दिरमा आत्मघाती बम हमला भएको छ । सो आक्रमणमा परी २७ जनाको मृत्यु भएको छ ।



बुधबारको यो आक्रमणमा आफ्नो संलग्नता नरहेको तालिबान विद्रोहीले जनाएको छ । आक्रमणकारीले सुरुमा काबुलको गुरुद्वारामा आत्मघाती बम हमला गरेका थिए भने त्यसपछि बन्दुकधारीले अन्धाधुन्ध आक्रमण गरेका थिए ।

स्थानीय समयअनुसार बिहान ७ः४५ मा भएको सो आक्रमण इस्लामिक स्टेटसम्बद्ध समूहले गरेको तालिबान समूहको दाबी छ । आक्रमण भएको समयमा १५० जना श्रद्धालु मन्दिरभित्र रहेका थिए ।

अफगान सुरक्षा स्रोतले दिएको जानकारीमा घटनामा २७ जनाको मृत्यु भएको र अन्य आठजना घाइते भएको उल्लेख छ । आक्रमणकारी सबै चारजनाको सुरक्षा कारबाहीमा मृत्यु भएको अफगान सुरक्षाकर्मीको भनाइ छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्