एजेन्सी– कोरोना भाइरसको कहरले इटालीमा तत्काल नछोड्ने अनुमान गर्न थालिएको छ । यो अनुमान किन आएको हो भने त्यहाँ प्रत्येक दिन मृत्यु हुनेको संख्या बढ्दो छ । 

पछिल्ला २४ घन्टामा इटालीमा ९६९ जनाको मृत्यु भएको छ । 

विश्वमा फैलिएको कोरोना भाइरसका कारण एकै दिनमा मृत्यु भएको यो सबैभन्दा धेरै हो । यसअघि पनि इटालीमा नै एकै दिनमा ७४३ जनाको मृत्यु भएको थियो । 

अब इटालीमा कोरोनाका कारण मृत्यु हुनेको संख्या ९१३४ पुगेको छ । त्यहाँ पछिल्ला २४ घन्टामा ४४०१ जनालाई संक्रमण पनि देखिएको छ । अब इटालीमा ६६ हजार ४ सय १४ जना संक्रमित छन् ।