एजेन्सी– कोरोना भाइरसका कारण अहिले विश्वका धेरै देशहरुले लकडाउनको घोषणा गरेका छन् । अनि यही समयमा विभिन्न समाचार पनि आइरहेका छन् । 

तर, भारतको मुम्बईको यो समाचार अलिक फरक छ, जसले जो सुकैलाई पनि अचम्ममा पारिदिन्छ । 

कोरोनाका कारण भएको लकडाउन र लकडाउनका कारण त्यहाँ एक व्यक्तिले आफ्नो भाइको हत्या गरेका छन् । अनि यसको कारण चाहिँ ती भाइले उनलाई लकडाउनमा घरबाट बाहिर जान नदिएकाले मात्र हो । 

भारत सरकारले देशमा २१ दिने लकडाउन घोषणा गरेको छ । तर, यहीबीच त्यहाँ २८ वर्षीय एक युवाले २१ वर्षका आफ्ना भाइलाई भान्समा भएको चक्कु प्रहार गरेर हत्या गरिदिएका छन् । खासमा ती युवा बाहिर जान चाहन्थे । तर, उनका भाइले उनलाई रोकेका थिए । लाइभहिन्दुस्तानडटकममा आएको समाचारअनुसार भाइले घरबाहिर जानै नदिएपछि २८ वर्षका राजेश ठाकुरले उनलाई पिट्न सुरु गरेका थिए ।