एजेन्सी– साउदी अरबमा एक कोरोना संक्रमितले सपिङ मलको ट्रली र ढोकामा थुकिदिएपछि ठूलो हंगामा मच्चिएको छ । भारतीय मिडिया नवभारत टाइम्समा आएको समाचारअनुसार सिसिटिभीमा उनले थुकेको देखेपछि उनलाई पक्राउ गरिएको छ ।

पक्राउ परेका यी व्यक्ति विदेशी नागरिक भएको बताइएको छ । तर, उनी कुन देशका हुन् भन्ने अहिलेसम्म खुलाइएको छैन । 

प्रहरीले पक्राउ गरेपछि ती युवालाई कोरोना संक्रमण देखिएको छ । 

यही कारणले उनीमाथि अब मुद्दा चलाइएको छ । साउदीका अधिकारीहरुले उनले आफूलाई ज्वरो र खोकी आएको थाहा पाउँदापाउँदै पनि सार्वजनिक स्थलमा थुकेकाले उनलाई फाँसी दिइने बताएका छन् ।